Almaty oblysynda KVI anyqtalǵan alty kisi 42 adammen baılanysta bolǵan
TALDYQORǴAN. QazAqparat - Almaty oblysynyń Іle aýdanynda 6 turǵyn COVID-19 ınfektsııasyn juqtyrǵany anyqtaldy. Olardyń barlyǵy da buǵan deıin syrqattanǵan naýqaspen baılanysta bolǵandar, dep habarlaıdy QazAqparat tilshisi Almaty oblysy ákiminiń baspasóz qyzmetine silteme jasap.
Olar - 1992, 1983, 1984, 1985, 1984 jáne 1975 jyly týǵan azamattar. Olarmen 42 adam baılanysta bolǵan. Olar oqshaýlandyrylyp, indet oshaqtaryna dezınfektsııa júrgizildi. Epıdemıologııalyq zertteýler jalǵasýda.
6 naýqas Qarasaı aýdandyq ortalyq aýrýhananyń ınfektsııalyq bólimine jatqyzyldy.
Jalpy, Almaty oblysynda indet juqtyrǵandar sany -156-ǵa, al jazylyp shyqqandar sany – 30 ge jetti.
