Almaty oblysynda kúshikti tirideı órtep jibergen jasóspirimder ustaldy
TALDYQORǴAN. QazAqparat- Almaty oblysynda ıttiń kúshigin tirideı órtegen jasóspirimder ustaldy, dep habarlaıdy QazAqparat tilshisi.
«Osy qylmysty jasady degen kúdikpen kámiletke tolmaǵan eki jasóspirim ustaldy. Olar 2004 jyly týǵan Sh. jáne 2005 jyly týǵan D. esimdi balalar. Olar shuǵyl uıymdastyrylǵan tergeý jumystarynyń alǵashqy saǵattarynda-aq anyqtaldy. Jasóspirimder ózderiniń jantúrshigerlik árekettegi kinálaryn tolyǵymen moıyndap, aýyr qylmysty qyzyq úshin jasaǵandaryn jetkizdi. Bul – qylmystyq jaýapkershilik kózdeletin qaskóılik jaǵdaı»,- dedi Almaty oblysy Alakól aýdany Polıtsııa bóliminiń bastyǵy polıtsııa podpolkovnıgi Qýat Ospanov.
Atalǵan derek boıynsha QR Qylmystyq kodeksiniń 316-babynyń 2-tarmaǵymen kózdelgen qylmys boıynsha qylmystyq is qozǵalyp, sotqa deıingi tergeý jalǵasýda.
Esterińizge sala keteıik, qylmys Almaty oblysy Alakól aýdanynyń Qabanbaı aýylynda bolǵan. Áleýmettik jelide jarııalanǵan bul beınejazba halyqtyń jaǵasyn ustatty.
