Almaty oblysynda qusbegiler saıysy ótýde
ALMATY. Jeltoqsannyń 5-i. QazAqparat /Erbol Azanbek/ - Búgin Almaty oblysynyń Nura aýyly mańyndaǵy Kókpek saıynda belgili qusbegi Áben Toqtasynov atyndaǵy qusbegiler týrnıri ótýde,
dep habarlaıdy QazAqparat Respýblıkalyq «Qyran» federatsıııasyna silteme jasap.
Týrnırdi «Qyran» federatsııasy» qoǵamdyq qory, QR Ulttyq sport túrleri qaýymdastyǵy Kcell kompanııasynyń qoldaýymen ótkizýde. Týrnırge Jambyl, Atyraý, Aqmola, Qaraǵandy, Pavlodar oblystarynan qusbegiler qatysady. Uıymdastyrýshylardyń aıtýynsha, qatysýshylar búrkitpen ań alýdan saıysqa túsedi. Týrnır at báıgesimen aıaqtalmaq. Áben Toqtasynov on jyl buryn elimizde eń alǵash ótken qusbegiler saıysynyń alǵashqy uıymdastyrýshylarynyń biri, eń tanymal búrkitshilerdiń biri bolatyn.
«Qyran» federatsııasy ókilderiniń habarlaýynsha, aldaǵy ýaqytta QR Týrızm jáne sport mınıstrligi, QR Ulttyq sport túrleri qaýymdastyǵy Qazaqstandaǵy qusbegilik problemalaryn nasıhattaýǵa arnalǵan BAQ ókilderiniń konkýrsyn ótkizedi.Onyń qorytyndysy kelesi jylǵy qusbegiler saıysynda shyǵarylady.
