Almaty oblysynda qus fabrıkasynyń jumysy toqtap tur

Saldarynan 1400 adam jumyssyz qaldy, dep habarlaıdy «QazAqparat» tilshisi.

Nysan Uıǵyr aýdanynda ornalasqan. Jumyssyz qalǵan myńnan astam adamnyń biri Tatıana Kolmagorovanyń aqy tólenbeıtin eńbek demalysyna shyqqanyna 3 jylǵa jýyqtaǵan. Táýligine 7-8 tonna qus etin óndirip kelgen kásiporynǵa memleket tarapynan jaqsy qoldaý da kórsetildi. Jumyrtqa men qus etine  jylyna 1 mlrd teńgege deıin sýbsıdııa alyp otyrdy. Alaıda, Keden odaǵy quramyndaǵy Reseı men Belarýstyń arzan ónimimen básekelese almady.

«Búgingi kúni azdaǵan jańǵyrtýdy talap etedi. Sol jumystardy bastaýǵa 2-3 ınvestor qarastyrylyp otyr», - deıdi Uıǵyr aýdanynyń ákimi Álimjan Toqtasynov.

Ákimniń aıtýynsha, ınvestorlar kelisse zaýytty 2017 jyly iske qosýǵa múmkin bolady.