Almaty oblysynda qurylys qoqystary úıindisiniń astynda qalyp qoıǵan azamattyń denesi tabyldy
ASTANA. Sáýirdiń 19-y. QazAqparat - Almaty oblysynda qurylys qoqystary úıindisiniń astynda qalyp qoıǵan azamattyń denesi bir táýlikten keıin tabyldy.
Buǵan deıin habarlanǵandaı, ótken juma, sáýirdiń 16-sy kúni saǵat 18.30-da Qarasaı aýdany Abaı aýylynda ornalasqan «Merkýr Prom» JShS-nyń karerinde qurylys qoqystarynyń úıindisi, sol mańda túrli-tústi metaldardy jınap júrgen 1991 jyly týǵan azamattyń ústine qulap túsip, ony basyp qaldy.
QR TJM-nyń baspasóz qyzmetinen málim etkendeı, zardap shegýshi Ózbekstan Respýblıkasynyń azamaty jáne ol toqtap turǵan atalmysh kásiporynnyń aýmaǵynda óz erkimen júrgen.
TJM Respýblıkalyq shuǵyl-qutqarý jasaǵy Memlekettik mekemesiniń 15 adamy, 3 tehnıkasy men kınologııalyq qyzmetteri, azamattyń denesin sáýirdiń 17-si kúni keshqurym taýyp, qırandylardyń astynan shyǵardy.
