Almaty oblysynda qurylys bazary órtendi
ALMATY. QazAqparat – Almaty mańyndaǵy qurylys bazarynan órt shyqty, dep habarlaıdy QazAqparat Tótenshe jaǵdaılar komıtetine silteme jasap.
4 qarasha kúni 16:46-da órt sóndirý qyzmetine Almaty oblysy Qarasaı aýdanynda «Almaty-Bishkek» tasjolynyń boıyndaǵy «Barys-3» qurylys bazarynyń aýmaǵynda qurylys materıaldary bar qoımada órt tutanǵany týraly habar túsken.
Órt sóndirýshilerdiń alǵashqy toby 16:50-de jetken kezde qoımanyń órtke oranyp jatqanyn kórgen.
Qoldanylǵan sharalardyń arqasynda jalyn 17:42-de aýyzdyqtalyp, 19:09-da sóndirildi. Tilsiz jaý 500 sharshy metr aýmaqty sharpyǵan. Onyń neden shyqqany anyqtalyp jatyr.
Órtti sóndirýge Almaty oblysy jáne Almaty qalalyq TJD jeke quramnyń 28 adam men 8 tehnıka, jergilikti atqarýshy organdardan sý tasıtyn 3 kólik tartyldy.
