Almaty oblysynda qulaǵan ushaqtyń ishinde týrıst bolǵan - dəriger
TALDYQORǴAN. QazAqparat - Almaty oblysynyń Balqash aýdanynda qulaǵan ushaqtyń ishinde týrıster bolǵan. Bul jóninde QazAqparat tilshisine aýdandyq aýrýhananyń bas dərigeri məlim etti.
Rınat Muratbaevtyń aıtýynsha, jaraqat alǵan ekinshi adamnyń bir aıaǵy synǵan.
«Biraq jaraqattanǵan azamat aýdandyq aýrýhananyń kómegine júginbedi. Oǵan óziniń jeke dərigerleri alǵashqy kómekti kórsetken. Naýqasqa jeke ushaq shaqyrtylyp, ony jedel túrde Almatyǵa alyp ketken», - dedi aýdandyq aýrýhananyń bas dərigeri.
Esterińizge sala keteıik, búgin saǵat on bir shamasynda Jıdeli aýyldyq okrýginiń mańyna ushaq qulap, bir adam mert boldy. Eki kisilik əýe kemesindegi ekinshi adam aýrýhana jetkizilgen.
Atalmysh oqıǵa boıynsha QR IDM Kólik apaty men oqıǵasyn tekserý jónindegi departamenti tekserý júrgizedi .
