Almaty oblysynda «Quqyq tártibi» jedel aldyn alý sharalary barysynda izdeýde júrgen 10 qylmysker ustaldy
TALDYQORǴAN. QazAqparat - Almaty oblysynda «Quqyq tártibi» is-sharasynyń alǵashqy kúni izdestirilp júrgen 10 qylmysker qolǵa tústi, buryn jasalǵan 18 qylmys ashyldy.
«Іzdeýde júrgen qylmyskerlerdiń arasynda Reseı Federatsııasynyń quqyq qorǵaý organdary eki jyldan astam ýaqyt boıy izdep júrgen esirtki satýshy ustaldy. Mańǵystaý oblysynda alaıaqtyq jasaǵany úshin izdeýde bolǵan 40 jastaǵy er adamnyń turǵylyqty jeri anyqtaldy, sondaı-aq Qarasaı aýdanynyń polıtseıleri ustaǵan toptasyp tonaýshylyqpen aınalysqan qylmysker de qamaýǵa alyndy», dep habarlady Almaty oblysy ІІD baspasóz qyzmeti.
Sońǵy táýlikterde óńir polıtseıleri 1174 quqyq buzýshyny ákimshilik jaýapkershilikke tartty, olardyń 26-sy usaq buzaqylyqtary, 59-y qoǵamdyq oryndarda alkogol ishimdikterin ishkeni, 18-i eldi mekenderdi abattandyrý erejelerin buzǵany, 44-i - belgilenbegen oryndarda saýda jasaǵany úshin jáne basqalary jazalandy. 80-ge tarta qylmys, sonyń ishinde 60-tan astam qylmys «izi sýymaı» ashyldy.
«Reıd barysynda Eskeldi aýdanynyń turǵynynan tirkelmegen 16-kalıbrli eki oqpandy myltyq tárkilendi. Jambyl jáne Qarasaı aýdandarynyń eki turǵyny esirtki zattaryn zańsyz saqtaǵany úshin jaýapkershilikke tartyldy», - dep atap ótti oblystyq polıtsııadan.
Polıtseıler sondaı-aq buryn jasalǵan 18 qylmystyń ashylǵany týraly raport berdi, onyń 1-ýi - qaraqshylyq, 3-ýi - alaıaqtyq, 1-ýi - buzaqylyq, 1-ýi - qasaqana densaýlyqqa zııan keltirý jáne 12-si urlyq úshin isti boldy.
