Almaty oblysynda quqyq qorǵaý baǵytyndaǵy kadettik synyptar ashyldy
TALDYQORǴAN. QazAqparat - Almaty oblysynda «Jas polıtsııa» jobasynyń aıasynda 4 jalpy bilim beretin mektepterdiń negizinde jańa kadettik synyptar quryldy, dep habarlaıdy QazAqparat oblystyq ІDD baspasóz qyzmetine silteme jasap.
Almaty oblysy ІІD baspasóz qyzmeti málim etkendeı, alǵashqy kadet synyby Іle aýdanyna qarasty Ótegen batyr aýylyndaǵy jalpy bilim beretin mektepterdiń biriniń negizinde ashylǵan. Bul oqý baǵdarlamasyna quqyqtaný, alǵashqy áskerı daıyndyq jáne basqa da arnaıy pánder boıynsha sabaqtar men fakýltatıvtik oqytýdy engizgen memlekettegi jalǵyz synyp boldy.
«Jas polıtsııa» jobasy oń nátıje kórsetkindikten, quqyqqorǵaý baǵytyndaǵy taǵy da tórt synyp ashý josparlandy. Atalmysh ıdeıany Almaty oblysynyń ákimi Amandyq Batalov, QR Bilim jáne ǵylym mınıstrligi, Іshki ister mınıstrligi jáne taǵy da basqa ınstantsııalar qoldady.
«Bul jobany engizýdi usynǵan - departament basshysy, general-maıor Murat Ómirhanov bastaǵan polıtseıler boldy. Bilim alýshylar úshin arnaıy biryńǵaı forma tigildi, sondaı-aq, jańa baǵdarlama jasalyp, bekitildi. Kadetterge quqyq qorǵaý taqyrybyndaǵy sabaqtardy zań salasynda arnaıy bilimderi bar tájirıbeli pedagogtar ótkizedi. Sondaı-aq, qarýdy bólshektep-jınaý, sapqa turý, zańnamany bilý syndy qosymsha pánder bolady», - dedi baspasóz qyzmetiniń ókili. 
Polıtsııa ókilderi málim etkendeı, qaıtadan qurylǵan kadet synyptaryndaǵy sabaqtar memlekettik jáne orys tilderinde júrgiziletin bolady.
