Almaty oblysynda kúdikti qylmys izin jasyrý úshin urlanǵan kólikti órtep jibergen
TALDYQORǴAN.QazAqparat - Almaty oblysynda kúdikti qylmys izin jasyrý úshin qoldy qylǵan kólikti órtep jibergen, dep habarlaıdy QazAqparat tilshisi.
Almaty oblysy Polıtsııa departamentiniń baspasóz qyzmetiniń málimetinshe, Uıǵyr aýdanynyń polıtsııa qyzmetkerleri kólikti urlap, keıinnen ony órtep jibergen kúdiktini ustady. 22 naýryz kúni saǵat 10.00 shamasynda aýdandyq polıtsııa bóliminiń kezekshi bólimine Shırın aýylynyń 37 jastaǵy turǵyny túnde óziniń «Aýdı-100» markaly avtokóligin báz bireýlerdiń aýlasynan aıdap ketkendigi týraly aryzdanǵan.
Іzdeýdi uıymdastyrǵan polıtseıler Shırın aýylynyń artyndaǵy alańnan órtenip ketken izdeýdegi avtokólikti tapqan. Polıtsııa qyzmetkerleri úı-úıdi aralaýdy uıymdastyryp, bir saǵat ishinde «izin sýytpaı» kúdiktini anyqtady. Ol kórshi aýyldyń 24 jastaǵy turǵyny bolyp shyqty. Tergeý is-áreketiniń barysynda odan urlanǵan avtokóliktiń úsh dóńgelegi, kiltter jıyntyǵy, avtomagnıtola, akkýmýlıator jáne domkrat tárkilendi. Dáleldemeler usynylǵannan keıin kúdikti avtokólikti aıdap áketip, urlaǵandyǵyn jáne órtep jibergenin tolyq moıyndady.
Ustalǵan azamat buryn da bótenniń múlkin urlaǵany úshin sotty bolǵan. Qazirgi ýaqytta ol qamaqqa alyndy. Qylmystyq kodekstiń eki baby boıynsha, 188-baptyń 3-bóligi (Urlyq) jáne 202-baptyń 2-bóligi 1-tarmaǵyna (Bótenniń múlkin órteý arqyly qasaqana joıý nemese búldirý) sáıkes sotqa deıingi tergeý amaldary júrgizilýde.
