Almaty oblysynda qojaıyn jumysshysyn kólikpen soǵyp, 9 qabyrǵasyn syndyrǵan

TALDYQORǴAN. QazAqparat - Almaty oblysynda qojalyq ıesi óziniń mal baǵatyn jumysshysyn soǵyp, 9 qabyrǵasyn syndyrǵan. Qazir malshy aýrýhanada jatyr, dep habarlaıdy QazAqparat tilshisi.

Almaty oblystyq polıtsııa departamenti baspasóz qyzmetiniń málimetinshe, 2 mamyr kúni aýrýhanaǵa aýyr dene jaraqatymen 44 jastaǵy er adam túskeni jóninde habarlama kelgen.

Anyqtalǵandaı, azamatty qojaıyny soqqan. Al taıaq jegen adam onyń malyn baqqan.

Oqıǵa Aqsý aýdanynda bolǵan.

«Qazir kúdikti ustaldy. Ol - Taldyqorǵannyń 43 jastaǵy turǵyny. Onyń kóligi de tárkilendi. Medıtsınalyq tekserý kezinde kúdiktiniń jeńil túrde ishimdik ishkeni anyqtaldy. Qazir onyń ústinen QR QK 106 baby, ıaǵnı qasaqana densaýlyqqa zııan keltirý boıynsha is qozǵalyp, tergeý júrip jatyr»,- delingen atalǵan vedomstvonyń habarlamasynda.

Aıta keteıik, malshy men jumysshy ózara sózge kelip, janjaldasyp qalǵan.

Artynsha, malshy eki kishkentaı kámeletke tolmaǵan balasyn jáne joldasyn alyp, qojalyqtan ketpekshi bolǵan.

Biraq jumys berýshi «Lexus 470» kóligimen qaǵyp, balalardyń kózinshe soqqyǵa jyqqan.

«Qazir kólik tárkilendi. Kúdikti qamaýda otyr»,- dep tolyqtyrdy atalǵan vedomstvonyń baspasóz qyzmetinen.