Almaty oblysynda kóshi-qon polıtsııasynyń qyzmetkerleri paramen ustaldy

TALDYQORǴAN. QazAqparat -  Almaty oblysy Іle aýdanynyń kóshi-qon polıtsııasynyń ınspektory men bólim basshysy paramen ustaldy, dep habarlaıdy QazAqparat tilshisi.

«Іle aýdanynyń kóshi-qon polıtsııasynyń ınspektory men bólim basshysynyń ústinen QR QK 366-baby 3-bóligi 4-tarmaǵy jáne 394-baby 2-bóligi boıynsha is qozǵalyp, materıal sotqa jetti», dep málim Almaty oblysynyń soty.

Atalǵan is  Іle aýdandyq sotynda 19 sáýir kúni qaralady. Vedomstvonyń málimetinshe,  kóshi-qon polıtsııasynyń ınspektory 120 myń teńge para alyp turǵan jerinen ustalǵan. Al bólim basshysy oqıǵa ornynan qashyp ketip, artynsha qolǵa túsken.