Almaty oblysynda koronavırýstan jazylǵandar sany 132 adamǵa jetti
TALDYQORǴAN. QazAqparat - Almaty oblysynda taǵy 6 adam koronavırýstan jazyldy, dep habarlaıdy QazAqparat tilshisi.
Almaty oblysy ákiminiń baspasóz qyzmetiniń málimetinshe, óńirde KVI-den jazylǵandar qataryna taǵy 6 adam qosyldy. Olar Kegen jáne Eńbekshiqazaq aýdandarynyń turǵyndary. 1957, 1971, 1979, 1981, 1985 jáne 2018 jyly týǵan patsıentter 1 mamyrdan beri Eńbekshiqazaq aýdanaralyq kóp salaly aýrýhanasynda em qabyldaǵan. Qazir barlyǵy syrqattarynan saýyqty, densaýlyqtary jaqsy.
Jalpy, Almaty oblysynda koronavırýsty 206 adam juqtyrdy, onyń 132-si indetten jazylyp shyqty.
