Almaty oblysynda koronavırýs juqtyrý kórsetkishi tómendep keledi
TALDYQORǴAN. QazAqparat - Almaty oblysynda sońǵybir táýlik ishinde statsıonardan 37 patsıent, 58 adam úıden oqshaýlaýdan shyǵaryldy, dep habarlaıdy QazAqparat tilshisi.
Qazir óńirde indetti juqtyrý kórsetkishi tómendep keledi.
«Oblysta KVI ósý qarqyny sońǵy 2 aptada 0,9% - dan 0,8% - ǵa deıin tómendedi. 12 mamyrdaǵy jaǵdaı boıynsha oblysta KVI zerthanalyq rastalǵan 23 452 jaǵdaı tirkelgen. Onyń ishinde sımptomy bary - 14 347.
100 myń turǵynǵa shaqqanda KVI syrqattanýshylyq kórsetkishi – 1097,2.
Sońǵy táýlikte indetti juqtyrǵandardyń 162 jaǵdaıy tirkeldi.Ósý qarqyny – 0,7%, onyń ishinde 129 sımptomdyq jáne 33 sımptomsyz jaǵdaı»,- delingen Almaty oblystyq sanıtarııalyq-epıdemıologııalyq baqylaý departamentiniń baspasóz qyzmeti taratqan habarlamada.
Vedomstvonyń málimetinshe, indet bastalǵaly 162 bala koronavırýs juqtyrǵan. Olardyń barlyǵy 14 jasqa tolmaǵandar.
Jalpy Almaty oblysynda 19 154 indetten emdelip shyqqan.
