Almaty oblysynda koronavırýs juqtyrý antırekordtyq kórsetkishke jetti
TALDYQORǴAN. QazAqparat - Almaty oblysynda koronavırýs juqtyrǵandardyń sany antırekordtyq kórsetkishke jetti, - dep habarlaıdy QazAqparat tilshisi.
Sońǵy táýlikte 477 adamnan koronavırýs anyqtalǵan. Mamandar vırýsty munshalyqty kóp juqtyrǵandardyń sany jyl basynan tirkelmegen dep otyr.
«KVI anyqtalǵan 477 jaǵdaıdyń 68-i 14 jasqa deıingi balalar arasynnan shyǵyp otyr. Oqýshylar arasynda 40 jáne stýdentter arasynda 4 jaǵdaı anyqtaldy. Oblys óńirleri arasynda koronavırýs juqtyrý kórsetkishi: Alakól-8, Balqash–14, Eńbekshiqazaq-39, Eskeldi–13, Jambyl–46, Іle-60, Qarasaı-21, Qaratal-10, Kegen–2, Kerbulaq-8, Kóksý-16, Panfılov–45, Raıymbek - 2, Talǵar–37, Uıǵyr–14, Taldyqorǵan–106, Tekeli-30, Qapshaǵaı qalasy-6 tirkeldi»,- delingen Almaty oblystyq sanıtarııalyq-epıdemıologııalyq baqylaý departamentiniń baspasóz qyzmeti taratqan habarlamada.
Vedomstvonyń aqparatyna sáıkes, 18 tamyzdaǵy jaǵdaı boıynsha oblysta koronavırýstyń zerthanalyq rastalǵan 38 063 jaǵdaıy tirkelgen, onyń ishinde 26 132 sımptomdary bar.
