Almaty oblysynda koronavırýs juqtyrǵandar sany qaıta ósti
TALDYQORǴAN. QazAqparat - Almaty oblysynda koronavırýs juqtyrǵandar sany qaıta ósýde. Ótken táýlikte 166 adamnyń indetti juqtyrǵany tirkeldi, - dep habarlaıdy QazAqparat tilshisi.
Al 18 mamyr kúni indetti juqtyrǵandar sany 114 adam bolsa, 17 mamyrda 109 adamnan koronavırýs anyqtalǵan edi.
«Sońǵy aptada eń joǵary ósý qarqyny Balqash - 0,9%, Jambyl - 0,8%, Qarasaı – 0,8%, Sarqan - 1,7%, Talǵar - 1,2%, Uıǵyr– 0,9% aýdandarynda baıqalady.
Sońǵy táýlikte KVI 166 jaǵdaıy tirkeldi, ósý qarqyny-0,7%. Onyń ishinde 143 sımptomdyq jáne 23 sımptomsyz jaǵdaı»,- delingen Almaty oblystyq sanıtarııalyq-epıdemıologııalyq baqylaý departamentiniń baspasóz qyzmeti taratqan habarlamada.
Búgingi sońǵy aqparat boıynsha, 42 patsıent statsıonardan emdelip shyqty.174 adam úı oqshaýlaýynan shyǵaryldy.
Jalpy Almaty oblysynda koronavırýs juqtyrǵan 24 815 jaǵdaı tirkelgen.
20 mamyr deıin 21 647 naýqas jazylyp shyqty.
