Almaty oblysynda koronavırýs juqtyrǵandar sany azaıyp keledi

TALDYQORǴAN. QazAqparat - Almaty oblysynda koronavırýs juqtyrǵandar sany azaıyp jatyr. Sońǵy 2 aptalyq salystyrý kezinde 1,0%-dan 0,8% deıin azaıǵan, dep habarlaıdy QazAqparat tilshisi.

Oblys boıynsha KVI ósý qarqyny sońǵy 2 aptalyq salystyrý kezinde 1,0%-dan (26.04-02.05) 0,8% (03.05-09.05) deıin tómendegen.

Sońǵy táýlikte KVI-diń 125 jaǵdaıy tirkeldi.

Ósý qarqyny – 0,5%. Onyń ishinde 102 syrqatta sımptomdar bar (81,6%) jáne 23 naýqasta (18,4%) aýrý sımptomdary joq.

«11 mamyrdaǵy jaǵdaı boıynsha 18 859 adam indetten jazylyp shyqty, bir táýlik ishinde statsıonardan 28 patsıent, 46 adam úıden oqshaýlaýdan shyǵaryldy» delingen Almaty oblystyq sanıtarııalyq-epıdemıologııalyq baqylaý departamentiniń baspasóz qyzmeti taratqan habarlamada.

Jalpy búginge deıin oblysta koronavırýstyń zerthanalyq rastalǵan 23 290 jaǵdaıy tirkelgen.

Onyń ishinde 14 218 naýqasta sımptom bar.