Almaty oblysynda koronavırýs juqtyrǵandar sany azaıdy

TALDYQORǴAN. QazAqparat - Ótken táýlikte Almaty oblysynda 16 adam koronavırýstan emdelip aýrýhanadan shyqty, dep habarlaıdy QazAqparat tilshisi.

Sońǵy táýlikte indet 89 adamnan anyqtalǵan.

«31 mamyrdaǵy jaǵdaı boıynsha oblysta KVI-diń 26 037 jaǵdaıy tirkelgen. Onyń ishinde sımptomdarmen - 16 289 jaǵdaı. 100 myń turǵynǵa shaqqanda KVI syrqattaný kórsetkishi – 1218,2. KVI ósý qarqyny sońǵy 2 aptany salystyrý kezinde 0,5%-dan (17.05-23.05) 0,4% (24.05-30.05) deıin azaıdy. Sońǵy aptada eń joǵary ósý qarqyny Balqash - 0,8%, Іle - 0,6%, Jambyl - 0,5%, Kerbulaq -0,5% Sarqan - 1,0% aýdandarynda baıqalady. Ótken táýlikte KVI 89 jaǵdaıy tirkeldi. Ósý qarqyny - 0,3%. Onyń ishinde 62 sımptomdyq (69,7%) jáne 27 sımptomsyz (30,3%) jaǵdaı» delingen Almaty oblystyq sanıtarııalyq-epıdemıologııalyq baqylaý departamentiniń baspasóz qyzmeti taratqan habarlamada.

Vedomstvonyń aqparatyna sáıkes, 31 mamyrǵa deıin jalpy koronavırýstan 24 993 naýqas jazyldy.

Bir táýlik ishinde statsıonardan 16 patsıent emdelip, 30 adam úı oqshaýlaýynan shyǵaryldy.