Almaty oblysynda koronavırýs juqtyrǵandar azaıyp keledi

TALDYQORǴAN. QazAqparat - Ótken táýlikte Almaty oblysynda 465 adam koronavırýstan emdelip shyqty. Óńirde indetti juqtyrǵandar sany azaıyp keledi, dep habarlaıdy QazAqparat tilshisi.

Máselen, ótken táýlikte Almaty oblysynda 97 adamnan koronavırýs anyqtaldy.

Sonyń ishinde Taldyqorǵan qalasynda 29 jaǵdaı, Іle aýdanynda – 13, Talǵar aýdanynda – 11, Jambyl aýdanynda – 8, Eńbekshiqazaq aýdanynda – 7, Eskeldi aýdanynda – 6, Qarasaı, Qaratal aýdandarynda 5 jaǵdaıdan, Sarqan aýdanynda – 4, Uıǵyr aýdanynda – 3, Kerbulaq jáne Panfılov aýdandarynda 2 jaǵdaıdan, Balqash aýdany men Tekeli qalasynda 1 jaǵdaıdan tirkeldi.

Óńir «jasyl» aımaqta.

Almaty oblysyndaǵy aýrýhanalarda 1 382 adam em qabyldaýda, sonyń 43-niń jaǵdaıy aýyr. Bir táýlikte 134 adam aýrýhanalarǵa jatqyzyldy. Juqpaly aýrýlar statsıonarlaryndaǵy oryndar 42,9 %-ǵa tolǵan.

Ótken táýlikte oblys boıynsha 465 adam koronavırýs indetinen emdelip shyqty.

«Sońǵy 3 kúnde 6 754 adamnyń synamalary PTR zerthanalarda tekserildi. Naýqastarmen qarym-qatynasta bolǵan 40 adam anyqtalyp, barlyǵy úı karantınine jiberildi jáne medıtsına qyzmetkerleriniń baqylaýyna alyndy.

Almaty oblysy boıynsha koronavırýsqa qarsy vaktsınanyń 1-shi komponentin alǵandar sany – 216 319. Sonyń ishinde ótken kúni ekpe alǵandar sany – 1 877. Ekpeniń 2-shi komponentin alǵandar sany – 124 845. Sonyń ishinde ótken kúni ekpe alǵandar sany – 2 558», - delingen Almaty oblysy ákiminiń baspasóz qyzmeti taratqan habarlamada.