Almaty oblysynda koronavırýs juqtyrǵan júkti áıel emdelip shyqty
TALDYQORǴAN.QazAqparat - Almaty oblysynda koronavırýs juqtyrǵan úsh naýqas emdelip shyqty, - dep habarlaıdy QazAqparat tilshisi.
«Búgin Qaskeleń qalalyq ınfektsııalyq aýrýhanasynan koronovırýs dıagnozy boıynsha em qabyldaǵan 3 adam tolyq emdelip shyqty. 1995 jylǵy 1 júkti patsıent (21-22 apta) 27 naýryz kúni, 1997 jáne 1957 jylǵy 2 patsıent 28 naýryz kúni aýrýhana túsken. 12 sáýir kúngi qaıta taldaý nátıjesi teris. Úsh emdelýshiniń ekeýi shet memleketten kelgen (Nıý-Iork, Ońtústik Koreıa). Bireýi Іle aýdanynyń turǵyny. Úsh adamnyń da jaǵdaıy qanaǵattanarlyq. Shaǵymdary joq», - delingen Almaty oblysy ákiminiń baspasóz qyzmeti taratqan habarlamada.
Aıta keteıik, Almaty oblysynda koronavırýs juqtyrǵandardyń jalpy sany - 21. Olardyń ishinen barlyǵy 4 adam emdelip shyqty.
