Almaty oblysynda koronavırýs juqtyrǵan eki naýqas 130-daı adammen baılanysta bolǵan
TALDYQORǴAN. QazAqparat - Almaty oblysynda koronavırýs ınfektsııasyn juqtyrǵandar sanatyna taǵy eki adam qosyldy. Olar – Jambyl aýdany Myńbaev aýylynyń turǵyndary, - dep habarlaıdy QazAqparat tilshisi oblys ákiminiń baspasóz qyzmetine silteme jasap.
Olardyń birinshisi – 1997 jyly týǵan azamat, dárigerge júgingende ókpesiniń qabynýy anyqtalyp, soǵan baılanysty KVI-ge vırýsologııalyq analız alynǵan, qorytyndysy onyń syrqat ekenin kórsetken.
Ekinshisi – 1975 jyly týǵan áıel adam, naýryzdyń 1-7 aralyǵynda Tashkentte, 18 naýryzda Almaty qalasynda bolǵan. 13 naýryzda ınfektsıonıst dárigerge qurǵaq jótel, dám jáne ıis sezýiniń buzylýyna shaǵymdanǵan jáne ol murny bitkenine baılanysty 6 sáýirden óz betinshe antıbıotık qabyldaǵanyn aıtqan. Dárigerlerdiń qaraýynan keıin provızorlyq bólimge jatqyzylyp, KVI-ǵa vırýsologııalyq analız alyndy, qorytyndysy onyń koronavırýs ınfektsııasyn juqtyrǵanyn kórsetti.
Syrqattardyń ekeýi de Qarasaı aýdandyq ortalyq aýrýhanynyń ınfektsııalyq bóliminde jatyr.
Eki adamnyń jalpy sany 130 adammen baılanysta bolǵany belgili boldy, olardyń barlyǵy Myńbaev aýylyndaǵy aýrýhananyń provızorlyq bólimine oqshaýlandyrylyp, árqaısysynan vırýsologııalyq analız alyndy.
Aıta keteıik, 14 sáýir kúngi saǵat 21.00-degi jaǵdaı boıynsha koronavırýs ınfektsııasymen aýyrǵandar sany 24-ke jetti, olardyń 5-eýi jazylyp shyqty.
