Almaty oblysynda koronavırýs juqtyrǵan áıel Qarasaı aýdanynyń turǵyny bolyp shyqty
TALDYQORǴAN. QazAqparat - 1 səýir saǵat 16:50-degi jaǵdaı boıynsha Qazaqstanda koronavırýs juqtyrǵan taǵy bir adam tirkelgen edi. Ol - Almaty oblysynyń turǵyny, dep habarlaıdy QazAqparat tilshisi.
«Naýqas - 1959 jyly týǵan áıel. Qarasaı aýdany «Asyl arman» turǵyn úı kesheninde turǵan. Qosymsha aqparat taǵy beriledi» delingen Almaty oblysy ákiminiń baspasóz qyzmetiniń hatshysy Ǵalymurat Júkel jibergen habarlamada.
Osymen bir ǵana Qarasaı aýdanynda 4 turǵynnan koronavırýs anyqtaldy.
Aıta keteıik, Almaty oblysy boıynsha koronavırýs juqtyrǵandardyń sany 9 adamǵa jetti. Elimizde barlyǵy 372 jaǵdaı tirkelgen.
