Almaty oblysynda koronavırýs ınfektsııasynan ekinshi adam jazylyp shyqty
TALDYQORǴAN. QazAqparat- Búgin Qarasaı aýdanyndaǵy Qaskeleń qalalyq ınfektsııalyq aýrýhanasynan koronovırýs dıagnozy boıynsha em qabyldaǵan adam tolyq emdelip shyqty, - dep habarlaıdy QazAqparat tilshisi oblys ákiminiń baspasóz qyzmetine silteme jasap.
1979 jyly týǵan áıel 27 naýryz kúni aýrýhanaǵa túsken bolatyn. Hattamaǵa sáıkes barlyq em-dom sharalaryn qabyldaǵannan keıin, oǵan 13 sáýir kúni ekinshi qaıtara jasalǵan taldaý nátıjesi teris bolyp shyqty.
Emdelýshi Reseıdiń Sankt-Peterbýrg qalasynan kelgen. Patsıent 6 adammen qarym-qatynasta bolǵan. Olardyń barlyǵy dárigerlerdiń baqylaýynda boldy.
Eske salsaq, 14 sáýirdegi jaǵdaı boıynsha Almaty oblysynda Covid19 ınfektsııasynan eki adam emdelip shyqty. Olardyń ekeýi de - Qarasaı aýdanynyń turǵyndary.
