Almaty oblysynda koronavırýs anyqtalǵan naýqas — zeınetker áıel
TALDYQORǴAN. QazAqparat - Búgin Almaty oblysynda koronavırýs juqtyrǵan taǵy bir adam anyqtaldy, dep habarlaıdy QazAqparat tilshisi.
«Syrqat adam 1950 jyly týǵan, zeınetker. Ol jaqyn arada shetelde bolmaǵan. 3 sáýirde dene qyzýy kóterilip, basy aýyryp, Qarasaı aýdany Mereı aýyldyq dárigerlik ambýlatorııasyna medıtsınalyq kómekke júgingen. Naýqas qazir Qarasaı aýdandyq ortalyq aýrýhanasynyń juqpaly aýrýlar bóliminde em alýda. Naýqaspen baılanysta bolǵan 10 adam aýrýhanaǵa jatqyzyldy»,- delingen Almaty oblysy ákiminiń baspasóz qyzmetiniń resmı habarlamasynda.
Eske salsaq, Almaty oblysynda indet juqtyrǵandar sany 10-ǵa jetti.
