Almaty oblysynda kópirden sekirmek bolǵan qyz qutqaryldy
QONAEV. QazAqparat – Almaty oblysynyń polıtseıleri kópirden sekirmek bolǵan qyzdy qutqaryp qaldy, dep habarlaıdy QazAqparat Polisia.kz saıtyna silteme jasap.
Oqıǵa Talǵar qalasynda boldy. Tártip saqshylary kópirde turǵan 16 jastaǵy qyzdyń óz-ózine qol jumsamaq bolǵanyn baıqaıdy.
«Patrýldik qyzmettiń aǵa leıtenanttary Іlııas Shahızadanov pen Jasulan Myqtybaev, sondaı-aq ÝUI ınspektory serjant Erbol Besbaev jedel áreket etýi arqasynda erekshelendi. Olar qaıǵyly oqıǵanyń aldyn alyp, mektep oqýshysyn kópirden túsirip aldy. Osylaısha sýıtsıdti boldyrmady», - dedi Almaty oblysy PD bastyǵy Baýyrjan Alenov.
Polıtsııa qyzmetkerleri kámeletke tolmaǵan balany tynyshtandyryp, birden úıine aparyp, ata-anasyna tapsyrdy. Belgili bolǵandaı, qyzdyń anasy 8 jyl buryn ómirden ótken. Ákesimen jáne aǵasymen birge turady. Sol kúni qyz aǵasymen janjaldasyp, ómirimen qosh aıtyspaq bolǵan.
Foto: polisia.kz
