Almaty oblysynda kópbalaly otbasynan shyqqan 40 myń bala lagerde demalady

TALDYQORǴAN. QazAqparat - Bıyl Almaty oblysynda az qamtylǵan jáne kópbalaly otbasynan shyqqan 40 myńǵa jýyq bala jazǵy demalyspen qamtylady. Bul maqsatqa óńirlik «Áleýmettik karta» baǵdarlamasymen 280 mln teńge bólindi, dep habarlaıdy QazAqparat tilshisi.

Aǵymdaǵy jyly jergilikti bılik jalpy 355 myńnan astam balany lagerler men saýyqtyrý oryndaryna jibermek. ıAǵnı, aımaqtaǵy oqýshylardyń 96 paıyzyn arnaıy oryndarda tynyqtyrý kózdelip otyr. Bul kórsetkish ótken jyly 89 protsent kóleminde bolǵan.

«Bizde oblysta 1500-den asa saýyqtyrý lageri jumys isteıdi. Onyń ishine mektep janyndaǵy lagerler kiredi. Mektep janyndaǵy lagerlerdiń 558-inde tamaqtandyrý qarastyrylǵan, al 691-inde ondaı múmkindik joq. Al jazǵy demalys oryndary 5 maýsymnan bastap jumys isteıdi», - dedi oblystyq Bilim basqarmasynyń bólim basshysy Gúljan Elýbaeva.