Almaty oblysynda kópbalaly medbıkelerge noýtbýkter syıǵa berildi

TALDYQORǴAN. QazAqparat - Áleýmettik damý qory men Nazarbaev ýnıversıtetiniń ókilderi birlesip tótenshe jaǵdaı kezinde medıtsına qyzmetkerleri men olardyń balalaryna qoldaý kórsetý maqsatynda 13 noýtbýk tabys etti, - dep habarlaıdy QazAqparat tilshisi.

Noýtbýk Qarasaı aýdandyq aýrýhanasynyń kópbalaly otbasylar men múgedek bala tárbıelep otyrǵan meıirbıke, feldsher jáne sanıtarlarǵa berildi.

«Noýtbýkter áleýmettik jaǵdaıy tómen, úıinde kóp bala tárbıelep otyrǵan otbasylarǵa berildi. Qazirgi pandemııa kezinde oqýshylar qashyqtan oqyp jatqany belgili. Sondyqtan Áleýmettik damý qory men Nazarbaev ýnıversıtetiniń aýrýhana qyzmetkerlerine qoldaý kórsetkeni úshin alǵysymyzdy bildiremiz», - dedi atalǵan aýrýhananyń dırektorynyń orynbasary Marat Aqylbekov.