Almaty oblysynda kópbalaly 13 otbasyna páter kilti tabystaldy

TALDYQORǴAN. QazAqparat - 1 jeltoqsan – Tuńǵysh Prezıdent kúni qarsańynda Alakól aýdanynda 13 otbasy jańa páterdiń kiltin alyp, qonys toıyn toılady, dep habarlaıdy QazAqparat tilshisi.

Bul úıler «Baqytty otbasy» baǵdarlamasy aıasynda kópbalaly analarǵa, «Altyn alqa» jáne «Kúmis alqa» ıegerlerine berildi.

Mereke qarsańynda qýanyshy eselenip, qonys toıyn toılap jatqan jandardyń qatarynda Kúlııa Máýlethannyń otbasy da bar.

«Memleket basshysy men oblys, aýdan ákimine úı máselesin sheshýge kómekteskenderi úshin alǵys aıtamyz. Jańa baspanaly bolýdy armandaǵan barsha otbasy kóp uzamaı qonys toıyn toılasyn», - dedi qonys ıesi.

Tamyz aıynan bastap «Baqytty otbasy» baǵdarlamasynyń sharapatyn kórgenderdiń qatary kóbeıip keledi. Jalpy, baǵdarlama bastalǵaly Alakól aýdanynda 19 otbasy baspanaly boldy.

Sonymen birge, «Nurly jer» memlekettik baǵdarlamasy aıasynda byltyr 80 turǵyn úı kilti kezekte turǵan azamattarǵa berilse, aldaǵy ýaqytta bul sharalar óz jalǵasyn tappaq.