Almaty oblysynda Qonaev akademııalyq qalashyǵy salynady
31 tamyzda Qonaev qalasynda Almaty oblysynyń ákimdigi, QR Ǵylym jáne joǵarǵy bilim mınıstrligi, «Qonayev Academic Campus» Fund» komertsııalyq emes uıymy basshylyqtarynyń jáne BAQ ókilderiniń qatysýymen «Ózara yntymaqtastyq týraly» úshjaqty memorandýmǵa qol qoıý rásimi ótti.
Atalǵan qujatqa oblys ákimi M.E. Sultanǵazıev, mınıstr S.Nurbek jáne Qordyń dırektory J.Rahmanı qol qoıdy.
Bul ýaǵdalastyqqa QR Prezıdenti Q.K. Toqaevtyń Qonaev qalasynda «Qonaev akademııalyq qalashyǵyn» salý jónindegi bergen tapsyrmasyn oryndaý maqsatynda qol jetkizilip otyr.
Kelisim sheńberinde Qalashyq aýmaǵyna 2023-2024 jyldarda tolyq ınfraqurylym júrgizý, halyqaralyq uıymdar men ınvestıtsııalyq qorlardan qarjylar tartý arqyly 2024-2027 jyldar aralyǵynda elimizdiń tórt ýnıversıtetin kóshirý (1-kezeńde) jáne sheteldik tórt ýnıversıtetti ashý (2-kezeńde), ǵylymı-zertteý ortalyqtary men zerthanalar, jataqhanalar men qonaq-úıler salý, jumystary atqarylatyn bolady.
