Almaty oblysynda kommýnaldyq ótemaqyǵa 170 myń adam ótinish bergen
TALDYQORǴAN. QazAqparat - Almaty oblysynda kommýnaldyq qyzmet shyǵyndarynyń ótemin alýǵa 171 973 azamat tirkelgen, - dep habarlaıdy QazAqparat tilshisi.
Bul maqsatqa respýblıkalyq bıýdjetten 7,5 mlrd.teńge bólindi.
Aqsha kommýnaldyq qyzmetterdiń 138 túri boıynsha, ıaǵnı árbir tutynýshyǵa 15 myń teńgeden beriledi.
Búgingi tańda Almaty oblysynyń 5700 azamaty ZHETYSU.KOMEK109.KZ saıty arqyly ótinish berdi.
« Kúndelikti saıtqa túsken derekter saıttyń operatory tarapynan túńgi saǵat 24.00 den keıin aýdan, qala ákimdikterine jiberiledi.
Odan keıin jergilikti ákimdikter qyzmet kórsetýshilermen birge kómek alýshylardyń tizimin naqtylaıdy»,- dedi Almaty oblysy energetıka jáne turǵyn úı-kommýnaldyq sharýashylyq basqarmasynyń basshysy Baǵlan Tanekenov.
Esterińizge sala keteıik, kommýnaldyq qyzmetter boıynsha shyǵyndar karantın engizilgen eldi mekenderdiń turǵyndaryna eki aı ishinde óteletin bolady.
