Almaty oblysynda kommýnaldyq ótemaqy alýǵa 700 adam ótinish bergen

TALDYQORǴAN. QazAqparat - Almaty oblysynda 700 adam Zhetysu.komek109.kz saıty arqyly kommýnaldyq ótemaqy alýǵa ótinim bergen, dep habarlaıdy QazAqparat tilshisi.

Elimizde jarııalanǵan tótenshe jaǵdaıǵa baılanysty belgili sanattar boıynsha turǵyndarǵa kommýnaldyq qyzmet shyǵyndary ótelýde.

Osyǵan oraı, ótinish qabyldaý úshin arnaıy Zhetysu.komek109.kz saıty jumysyn bastady. Búgingi kúni oblys boıynsha 700 adam ótinim berip úlgergen.

Atalǵan saıttyń operatory túngi saǵat 12-ge deıin jumys istep, kelip túsken ótinimderdi tirkeý úshin aýdandarǵa jiberýde.

Sondaı-aq, kommýnaldyq mekeme tutynýshylary aqparattyq júıeler nemese call-ortalyq arqyly jergilikti atqarýshy organǵa jeke sáıkestendirý nómirin, áleýmettik mártebesin jáne oblystyń árbir óńiriniń jeke derbes shotyn usyna otyryp, ótinish bere alady.