Almaty oblysynda «Qoljetimdi baspana-2020» memlekettik baǵdarlamasy sheńberinde páterge onlaın ótinim berý bastaldy
«Búgin Almaty oblysy, Qarasaı aýdanyndaǵy «Asyl Arman» turǵyn keshenindegi 1600 páterge onlaın rejımde ótinim qabyldaý bastaldy. Oǵan ESQ (elektrondy sandyq qoltańba) arqyly www.fiisk.kz saıtyna tirkelgen tutynýshylar qatysa alady. Jaldap alý arqyly satylymǵa shyǵarylyp otyrǵan 1609 páter Almaty oblystyq ákimdiginde kezekte turǵan azamattardan artylyp, ózimizge qaıtarylǵan baspanalar. Olardyń 91-i belgilengen baǵa boıynsha, ıaǵnı 1 sharshy metri 180 myń teńgemen týra satylymǵa shyǵarylady. Al qalǵandary onlaın ótinimder arqyly Qarasaı aýdanynda baspanasy joq, tóleý múmkindigi rastalǵan tulǵalarǵa satyp alý múmkindigimen jalǵa beriledi», - dedi «Samuryq-Qazyna» AQ basqarýshy dırektory Ádilbek Kósherov QazAqparat tilshisine onlaın ótinim qabyldaý barysynda.
Onyń aıtýynsha, bul shara kezekke turý kezindegi adam faktoryn azaıtý úshin qoldanylyp otyr. Ótinimder kelip túsken ýaqyty boıynsha tirkelip, ótinish berýshilerdiń kezegi sol arqyly avtomatty túrde retteledi. «Asyl Arman» TK boıynsha ótinim qabyldaý ýaqyty 14 qazanda saǵat 10:00-de aıaqtalady.
Aıta keteıik, búginde www.fnsk.kz saıtyna 5 myńnan astam adam tirkelgen. Ótinim qabyldaý bastalǵan 30 mınýt ishinde portalǵa 727 ótinim kelip tústi.
«Bul óte jaqsy kórsetkish. Aldaǵy eki aptanyń ishinde úlgerip ótinim bergen adamdarda atalǵan turǵyn keshenindegi 5 tıpti páterlerdiń birin alýǵa múmkindik týady. Árıne, ótinim bergen adamdar 14 qazannan bastap Almaty oblysyndaǵy bizdiń bólimshelerge qujattaryn tapsyrý kerek. Komıssııa sol qujattardy qarap shyqqannan keıin, barlyq qujattar durys bolsa, onlaın ótinim bergen azamattar baspanaly bolady», - dep atap ótti Á. Kósherov.
Aıta keteıik, 12 qazanda Aqtóbedegi «ıÝnıs Sıtı» turǵyn kesheni boıynsha da onlaın ótinimder qabyldaý bastalady.
