Almaty oblysynda kolonııa bastyǵynyń orynbasary qyzmetinen bosatyldy
Osy aıda áleýmettik jelilerde Almaty oblysynyń kolonııasyndaǵy zańsyz kezdesýler týraly aqparat paıda boldy. QAJ departamenti osy fakti boıynsha qyzmettik tergeý júrgizdi.
Tekserý barysynda sottalǵandardyń biriniń týystary mekeme ákimshiligine shaǵymdanǵany anyqtaldy. Kolonııa qyzmetkerlerin aıyptaı otyryp, sottalǵandardyń týystary shaǵymdaryn buqaralyq aqparat quraldarynda jarııalaýmen qorqytady. Qoldanystaǵy zańnamany buza otyryp, mekeme bastyǵynyń orynbasary jazasyn óteýshi men onyń kolonııaǵa kelgen týystaryn BÓP tory arqyly kezdestirýdi tapsyrǵan. Keıinnen bul jaǵdaı BAQ ókilderine sybaılas jemqorlyq quramdas bóligimen zańsyz kezdesý retinde usynylǵan.
Sondaı-aq, qyzmettik tergeý barysynda beınejazbalarda kórsetilgen basqa da faktiler boıynsha sybaılas jemqorlyq quramdas bólikteri bar qoldanystaǵy nusqaýlyqtardyń buzylýy anyqtalǵan joq.
Qyzmettik tergeý nátıjesinde mekeme bastyǵynyń orynbasary jiberilgen zań buzýshylyqtar úshin atqaryp otyrǵan qyzmetinen bosatyldy. Taǵy birqatar qyzmetker, onyń ishinde mekeme basshysy qatań tártiptik jaýapkershilikke tartyldy.