Almaty oblysynda kóliktiń ústinen júgirip ótken pranker ustaldy
ALMATY. QazAqparat – Qapshaǵaı qalasynda jaıaý júrginshiler jolynda kóliktiń ústinen júgirip ótken pranker ustaldy, dep habarlaıdy QazAqparat tilshisi.
Almaty oblystyq Polıtsııa departamentinen málim etkendeı, Qapshaǵaı qalasy Polıtsııa bólimshesiniń qyzmetkerleri Instagram jelisindegi paraqshasy úshin rolık túsirgen prankerdi ustady.
«Tártip saqshylary ázil retinde kóliktiń ústinen júgirip ótken 31 jastaǵy er adamdy ustady. Ol qoǵamdyq tártipti buzdy», - deıdi Qapshaǵaı Polıtsııa bólimshesiniń basshysy Manat Aıtmuhanbetov.
Er adamǵa qatysty Ákimshilik quqyq buzýshylyq kodeksiniń 434-babynyń, 1-bóligi boıynsha ákimshilik hattama toltyrdy. Ákimshilik materıal protsessýaldyq sheshim qabyldaý úshin qalalyq sotqa jiberildi.
