Almaty oblysynda kólikteri jolda turyp qalǵan jeti adam qutqaryldy
TALDYQORǴAN. QazAqparat – Almaty oblysynda jolǵa shyqqan 7 adam qar qursaýynan qutqaryldy, dep habarlaıdy QazAqparat aımaqtyq TJD-ne silteme jasap.
28 qańtar kúni 18:30-dan bastap aýa raıynyń nasharlaýyna baılanysty oblystyq mańyzy bar «Taldyqorǵan-Qapal» tasjoly jabylǵan bolatyn.
«Soǵan qaramastan, Almaty oblystyq TJD-ne Kóshkental aýylynan shyqqan jolaýshylary bar kólik osy jolda qar qursaýynda qalǵany týraly habarlama tústi. Oqıǵa ornyna Aqsý aýdany Qapal aýyldyq TJD bólimshesi (3 qyzmetker men Oral bazasyndaǵy 1 shnekorotor) jiberildi. Olar 10 kılometrge sozylǵan avtojol bóligin qardan tazalap, 3 jeńil jáne 1 júk kóligin evakýatsııalady. Olardy qutqarýshylar Qapal aýylyna jetkizdi, avtokólik salonynda 7 adam bolǵan, barlyǵy eresek azamattar. Qaza tapqandar men zardap shekkender joq», - delingen mekeme málimetinde.
Almaty oblystyq TJD azamattarǵa aýa raıy ózgerisin, meterologııalyq málimetterdi, sms-eskertýlerdi baqylap, jabyq joldarǵa shyqpaýǵa keńes beredi.
