Almaty oblysynda kólikpen aýdarylǵan týrısterdiń jaǵdaıy belgili boldy
TALDYQORǴAN. QazAqparat - Almaty oblystyq Densaýlyq saqtaý basqarmasy Tekeli taýynda jol apatyna ushyraǵan týrısterdiń densaýlyq jaǵdaıy týraly aıtyp berdi, dep habarlaıdy QazAqparat tilshisi.
«Tekeli qalalyq aýrýhanasyna dárigerlerdiń kómegine 4 adam júgingen. Ekeýiniń jaǵdaıy jeńil. Al taǵy eki adam tolyqtaı dárigerlik tekseristen keıin úılerine jiberildi. Aýrýhanaǵa jetkizilgen 4 týrısti emdeý mekemesine jatqyzý qajettiligi týyndamady», - dep málim etti atalǵan vedomstvonyń baspasóz qyzmetinen.
Esterińizge sala keteıik, buǵan deıin Almaty oblysynda 12 týrıst mingen kólik aýdarylǵany jóninde habarlaǵan edik. Oqıǵa 3 maýsym kúni Tekeli qalasynyń Cherkasaı shatqalynda bolǵan.
