Almaty oblysynda kólikke qaraqshylyq shabýyl jasaǵandar ustaldy
TALDYQORǴAN. QazAqparat - Almaty oblysynda ózderi otyrǵan kóliktiń júrgizýshisin jaralap, qaraqshylyq jolmen aqshasy men uıaly telefonyn tartyp alǵan eki azamat ustaldy, dep habarlaıdy QazAqparat tilshisi.
Polıtsııa ókilderiniń aıtýynsha, oqıǵa Іle aýdanynda oryn alǵan. 28 qarashaǵa qaraǵan túni Іle aýdanynyń polıtsııasyna avtokólik júrgizýshisine qaraqshylyq shabýyl jasalǵany týraly habarlama tústi. Oqıǵa ornyna jedel jetken tártip saqshylarynyń jedel izdestirý sharalary barysynda qylmysqa qatysy bar degen kúdikpen eki azamat ustady.
Aldyn ala anyqtaý boıynsha, 25 jáne 33 jastaǵy eki kúdikti jol-jónekeı toqtatqan kólik júrgizýshisine dene jaraqatyn salyp jáne bótelkeniń synyǵymen qorqytyp, qaltasyndaǵy aqshasy men uıaly telefonyn tartyp alǵan.
«Qaraqshylyq» deregi boıynsha eki azamat kúdikti retinde ustaldy jáne olarǵa qatysty QR Qylmystyq kodeksiniń 192-baby boıynsha sotqa deıingi tergeý amaldary júrgizilýde. Kúdiktiler qamaýǵa alyndy. Atalǵan is Іle aýdany polıtsııasynyń óndirisinde»,- dep málimdedi Almaty oblystyq polıtsııa departamentiniń baspasóz qyzmeti.
