Almaty oblysynda kólik jylqyny qaǵyp, jolaýshy mert boldy
TALDYQORǴAN. QazAqparat - Almaty-Óskemen tas jolynda kólik apatqa ushyrap, 28 jastaǵy áıel adam mert boldy, dep habarlaıdy QazAqparat tilshisi.
Almaty oblystyq Polıtsııa Departamentiniń baspasóz qyzmeti oqıǵany rastady.
«Jol apaty 19 naýryz kúni túngi saǵat 21:00 shamasynda bolǵan. Boljam boıynsha «Toyota Camry» kóliginiń 22 jastaǵy júrgizýshisi soltústikke qaraı júrip bara jatyp, jylqyny qaǵyp ketken. Saldarynan oqıǵa ornynda 28 jastaǵy jolaýshy mert boldy. Kólik júrgizýshisi Saryózek aýylynyń aýrýhanasyna tústi. Atalǵan jol apaty boıynsha QR QK 345 babynyń 3 bóligine sáıkes sot-aldy tergeý júrip jatyr. Qajetti saraptamalar taǵaıyndaldy»,- delingen vedomstvonyń habarlamasynda.
Aıta keteıik, oqıǵa Almaty-Óskemen tas jolynyń 149-shy shaqyrymynda bolǵan.
