Almaty oblysynda kólik jóndeıtin oryn órtendi
TALDYQORǴAN. QazAqparat - Almaty oblysynda kólik jóndeıtin eki qabatty ǵımarat otqa oranyp, qyzyl jalyndy óshirýge oblystyń jáne Almaty qalasynyń órt sóndirýshileri jumyldyryldy, dep habarlaıdy QazAqparat tilshisi.
Oqıǵa Іle aýdanyna qarasty Ótegen batyr aýylynda bolǵan. 1 qańtar kúni túngi saǵat 23:00 der shamasynda bolǵan órt 800 sharshy metr jerdi sharpyǵan.
«Qyzyl jalyn 00:25 mınýtta aýyzdyqtalyp, 00:45 mınýtta tolyq sóndirildi. Órt sóndirýshilerdiń jedel áreket etýiniń nátıjesinde jalyn ózge ǵımarattardy sharpymady. Tilsiz jaýdan eshkim zardap shekpedi», -dep málim etti Almaty oblystyq TJD baspasóz qyzmetinen.
Órt kezinde bekettiń ishinde 4 avtokólik bolǵan.
Órtti sóndirýge Almaty oblystyq TJD-nyń 22 qyzmetkeri men 6 tehnıkasy jáne Almaty qalasynyń 6 órt sóndirýshisi men 2 tehnıkasy jumyldyryldy. Vedomstvanyń málimetinshe, qazir órttiń shyǵý sebebi men keltirilgen shyǵyn klemi anyqtalýda.
