Almaty oblysynda kólik úıdiń ústine qulady

TALDYQORǴAN. QazAqparat - Almaty oblysy Іle aýdany Boraldaı aýylynda kólik joldyń jıeginen shyǵyp ketip, turǵyn úıge qulady, dep habarlaıdy.

« 23 mamyrdan 24-ine qaraǵan túni BMW X5 kóliginiń júrgizýshisi rýlge ıe bola almaı, joldyń jıeginen asyp, turǵyn úıdiń ústine qulady. Úıdiń shatyry, gaz, jaryq baǵanalary búlingen. Oqıǵadan júrgizýshi ózi jeńil jaraqat alǵan. Ol aýrýhanaǵa jatýdan bas tartty»,- delingen Almaty oblystyq Polıtsııa departamenti baspasóz qyzmetiniń habarlamasynda.

Vedomstvonyń aqparatyna sáıkes, júrgizýshiniń ústinen QR ÁK 610-baby boıynsha ákimshilik hattama toltyrylyp, jaqyn kúnderi sotqa joldanady.

«Qulaǵan úıdiń ıesine keltirilgen shyǵyn kólemi eseptelýde. Apattan gazdyń qubyry jarylmaǵan. E lektr stantsııanyń mamandary kelip elektr baǵanyn qalpyna keltirgen»,- dep tolyqtyrdy atalǵan vedomstvonyń baspasóz qyzmetinen.

Aıta keteıik, oqıǵa Іle aýdanynyń Boraldaı aýylynda bolǵan.