Almaty oblysynda kólik qaqqan oqýshynyń ekeýi es-tússiz jatyr
TALDYQORǴAN. QazAqparat - Almaty oblysynyń Eńbekshiqazaq aýdanynda kólik qaqqan eki oqýshynyń jaǵdaıy óte aýyr. 2012 jylǵy balalar es-tússiz aýrýhanada jatyr, dep habarlaıdy QazAqparat tilshisi.
«2012 jylǵy eki qyzdyń jaǵdaıy óte aýyr. Arnaıy apparattyń kómegimen demalyp jatyr. Bas-mı jaraqatyn alǵan. Jambas súıekteri synǵan. Al úshinshi 2011 jylǵy qyzdyń jaǵdaıy turaqty. Aıaǵy synǵan», - dedi Almaty oblystyq Densaýlyq saqtaý basqarmasy baspasóz qyzmetiniń ókili Láılim Áýbákirova.
Esterińizge sala keteıik, 2 naýryz kúni Eńbekshiqazaq aýdanynyń Qoram aýylynda 4 oqýshy qyzdy kólik qaǵyp ketti. Onyń úsheýi aýrýhanaǵa tústi. Kólikti júrgizgen 54 jastaǵy azamattyń ishimdik ishkeni anyqtaldy.
