Almaty oblysynda kólik qaqqan áıel oqıǵa ornynda kóz jumdy
TALDYQORǴAN. QazAqparat - Almaty oblysynda 33 jastaǵy áıeldi kólik qaǵyp, jábirlenýshi oqıǵa ornynda mert boldy, dep habarlaıdy QazAqparat tilshisi.
Qaıǵyly jaǵdaı 9 qyrkúıek kúni Eńbekshiqazaq aýdanynyń Esik qalasynda oryn alǵan. Túngi saǵat 22:48 mınýtta bolǵan jol-kólik oqıǵasyn oblystyq polıtsııa departamentiniń baspasóz qyzmeti rastady.
«Kólikti 20 jastaǵy Esik qalasynyń turǵyny tizgindegen. Ol «Altyn adam« kóshesinde joldyń belgilenbegen jerinen ótken 33 jastaǵy azamatshany qaǵyp ketken. Áıel alǵan dene jaraqatynan sol jerde kóz jumdy. Atalǵan faktige sáıkes QR QK 345 baby 3-shi tarmaǵy boıynsha sot aldy tergeý bastaldy»,- delingen vedomstvonyń jaýabynda.
