Almaty oblysynda kólik qaqqan 8 jasar oqýshy mert boldy
TALDYQORǴAN. QazAqparat - Almaty oblysynda 8 jasar oqýshyny kólik qaǵyp, mert qyldy. Qaıǵyly jaǵdaı Іle aýdanynda bolǵan, dep habarlaıdy QazAqparat tilshisi.
«10 qyrkúıek kúni keshki saǵat 18:10 shamasynda Іle aýdanynda 8 jastaǵy balany kólik qaǵyp ketti. Ol aýrýhanaǵa jetpeı kóz jumdy»,- dep pikir bildirdi Almaty oblystyq polıtsııa departamentiniń baspasóz qyzmetinen.
Vedomstvonyń aqparatyna sáıkes, «Toyota» kóliginiń 23 jastaǵy júrgizýshisi «Qosózen-Shelekemer» jolynda 8 jasar jaıaý júrginshini qaǵyp ketken.
Qazir atalǵan fakti negizinde QR QK 345-baby 3-bóligi boıynsha sotqa deıingi tergeý bastaldy.
Qajetti saraptamalar taǵaıyndalǵan.
