Almaty oblysynda kólik qaqqan 31 jastaǵy jaıaý júrginshi mert boldy

TALDYQORǴAN. QazAqparat - Almaty oblysynda kólik qaqqan 31 jastaǵy jaıaý júrginshi mert boldy, dep habarlaıdy QazAqparat tilshisi.

Kólik qaǵyp mert bolǵan adamnyń oqıǵasy vıdeoǵa túsip qaldy. Beınejazba jelige júkteldi.

«Jol-kólik oqıǵasy 1 naýryz kúni Jambyl aýdanynda bolǵan. 21 jastaǵy «Lexus GS-300» avtokóliginiń júrgizýshisi Almaty-Bishkek tasjolynyń 44-shi shaqyrymynda jaıaý júrginshiler ótkelinen ótip bara jatqan 31 jastaǵy jaıaý júrginshini qaǵyp ketken. Aýyr jaraqat alǵan jábirlenýshi aýrýhanaǵa jetkizilip, keıin qaıtys boldy» delingen Almaty oblystyq polıtsııa departamenti baspasóz qyzmetiniń habarlamasynda.

Vedomstvonyń aqparatyna sáıkes, oqıǵa boıynsha qajetti saraptamalar taǵaıyndalyp, QR QK 345-babynyń 3-bóliginde sáıkes qylmystyq is qozǵaldy.

Kúdikti ýaqytsha ustaý ızolıatoryna qamaýǵa alynyp, avtokólik arnaıy turaqqa qoıyldy.