Almaty oblysynda kólik qaǵyp kóz jumǵan jaıaý júrginshiniń aty-jóni anyqtalmaı jatyr
TALDYQORǴAN. QazAqparat - Almaty oblysynda kólik qaǵyp, mert bolǵan jaıaý júrginshiniń kim ekeni belgisiz, dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe, qaıǵyly oqıǵa 13 qyrkúıekte túngi saǵat 22:20 shamasynda bolǵan.
«Almaty-Óskemen» tas jolynyń 36 shaqyrymynda otyz jastaǵy Opel Calibra kóliginiń júrgizýshisi jaıaý júrginshini qaǵyp ketti. Jábirlenýshiniń kim ekeni belgisiz. Ol aýyr jaraqattan sol jerde kóz jumdy. Qaıtys bolǵan adam jaıaý júrginshige arnalmaǵan jerden ótken«, - dep málimdedi baspasóz qyzmetinen.
Qazir osy fakti boıynsha Qylmystyq kodekstiń 345-baby 3-bóligine sáıkes sotqa deıingi tergeý júrip jatyr.
