Almaty oblysynda kólik apatynan tórt adam mert boldy
TALDYQORǴAN. QazAqparat - Almaty oblysynda kólik apatynan 4 adam mert boldy. Onyń úsheýi oqıǵa ornynda jan tapsyrǵan, dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe, oqys oqıǵa Almaty-Esik tas jolynda bolǵan. 19 mamyr kúni saǵat 19:45 te «Ravon Nexia» kóligin tizgindegen 1993 jylǵy júrgizýshi rýlge ıe bola almaı qarsy baǵytqa shyǵyp ketken. Saldarynan «Chevrolet Cruze» kóligine soǵylǵan. Oqıǵa ornynda «Ravon Nexia» kóliginiń júrgizýshisi men onyń eki jolaýshysy jan tapsyrdy. «Chevrolet Cruze»-ń de júrgizýshisi alǵan jaraqatynan aýrýhanada kóz jumdy.
Atalǵan fakti QR QK 345 babynyń 4-i bóligi boıynsha sotqa deıingi tergeý reestrine tirkeldi.
