Almaty oblysynda kólik apatynan qaza tabatyndar sany 20,9%-ǵa qysqardy
TALDYQORǴAN.QazAqparat - Almaty oblysynda jol-kólik oqıǵalarynyń sany 4% -ǵa tómendedi. Al kólik apatynan qaza tabatyndar sany 20,9%-ǵa qysqardy. Bul jóninde oblystyq ІІD jergilikti polıtsııa qyzmetiniń bastyǵy Marat Kúshtibaev turǵyndar aldynda esep berý barysynda málim etti, dep habarlaıdy QazAqparat tilshisi.
Óziniń baıandamasynda polıtsııa polkovnıgi M.Kúshtibaev jalpy qylmys sanynyń azaıǵanyn alǵa tartty. Máselen, tonaý - 12%, urlyq - 24,8% jáne buzaqylyq - 29% tómendegen.
Polıtsııa qyzmetkerleriniń málimdemesi boıynsha quqyq qorǵaýshylar joldaǵy tártipke basty nazar aýdarýda. Máselen, jol-patrýldik polıtsııa qyzmetkerleri «Krıs-P» qozǵalmaly fotoradarly keshendi qoldanýda. Olardyń kómegimen osy jyldyń 11 aıynyń ishinde 83 123 jol erejelerin buzý faktisi anyqtalǵan.
Halyq aldyndaǵy esepti M. Kúshtibaev onlaın rejıminde ótkizdi. Oblystyń barlyq aýdandary men qalalarynyń turǵyndary beınebaılanys arqyly ózderin tolǵandyryp júrgen suraqtaryn qoıdy. Jergilikti jurtshylyq mal jáne jeke múlik urlaý, úı tonaý, qoǵamdyq polıtsııa kómekshileriniń qataryna jáne ishki ister organdaryna qyzmetke ornalasý syndy kóptegen máselelerdi kóterdi.
