Almaty oblysynda kólik apatynan eki adam oqıǵa ornynda jan tapsyrdy

QONAEV. QazAqparat - Almaty oblysynda kólik apatynan eki adam oqıǵa ornynda mert bolyp, taǵy 4 adam túrli dene jaraqatymen aýrýhanaǵa jetkizildi, dep habarlaıdy QazAqparat tilshisi.

Oqıǵa 23 sáýir kúni saǵat 20:40 shamasynda bolǵan.

«Mazda» kóliginiń 47 jastaǵy júrgizýshisi «Jápek batyr-Komsomol» avtojolynyń 1,6 shaqyrymynda qarsy baǵytqa shyǵyp ketken. Saldarynan 1991 jylǵy er azamat tizgindep kele jatqan «Opel» kóligine soǵylǵan.

Oqıǵa ornynda «Mazda» kóliginiń júrgizýshisi men jolaýshysy mert boldy.

«Opel» kóliginiń júrgizýshisi jáne 3 jolaýshysy túrli dene jaraqatymen Іle aýdanynyń aýrýhanasyna jetkizildi.

«Atalǵan fakti Eńbekshiqazaq aýdanynyń polıtsııasynda tirkeldi. Qajetti saraptamalar taǵaıyndalǵan. Tergeý QR QK 345 baby 4 bóligi boıynsha júrgizilýde», - delingen Almaty oblystyq polıtsııa departamenti baspasóz qyzmetiniń habarlamasynda.