Almaty oblysynda kólik apatynan eki adam mert boldy
TALDYQORǴAN.QazAqparat - Naýryzdyń 17-nen 18-ne qaraǵan túni Almaty-Óskemen tas jolynyń 170 shaqyrymynda kólik apaty boldy. «BMV» markaly kóligimen «Kamaz» júk kóliginiń soqtyǵysýynan eki adam kóz jumyp, bir jasqa tolmaǵan kishkentaı bala aýrýhanaǵa jetkizildi, dep habarlaıdy QazAqparat tilshisi.
Aldyn-ala boljam boıynsha, Kamazǵa soǵylǵan «BMV» kóligi artynsha janyp ketken. Jeńil kólikte bolǵan erli-zaıypty qaıtys boldy. Al aman qalǵan kishkentaı balasy Kóksý aýdandyq aýrýhanasyna jetkizilgen.
«Qazir atalǵan fakti boıynsha, QR QK 345 baby negizinde sotqa deıingi tergeý bastaldy. Atalǵan fakti oblystyq Polıtsııa departamentindegi Anyqtaý basqaramasynyń óndirisinde», -dep málimdedi Almaty oblystyq Polıtsııa departamentiniń baspasóz qyzmeti.
Aldyn-ala málimet boıynsha, «Kamaz» júrgizýshisi zardap shekpegen jáne ishimdik ishpegeni anyqtaldy. Bıresmı málimetke sáıkes, «BMV» avtokóligi joldyń qarsy betine shyǵyp, Kamazǵa kelip soǵylǵan.
