Almaty oblysynda kólik apatynan bir adam qaza taýyp, eki adam jaraqattandy
TALDYQORǴAN.QazAqparat - Almaty oblysynda kólik apatynan bir adam kóz jumyp, taǵy eki adam túrli dene jaraqatyn aldy. Oqıǵa «Almaty-Óskemen» tas jolynyń 151 shaqyrymynda bolǵan, dep habarlaıdy QazAqparat tilshisi.
Jol-kólik apatyn Almaty oblystyq Polıtsııa departamentiniń baspasóz qyzmeti rastady.
«Tamyzdyń 4-i kúni Mazda jáne Hovo markaly soqtyǵysqan. Saldarynan bir adam mert bolyp, eki adam túrli dene jaraqatyn aldy. Atalǵan fakti boıynsha QR QK 345 babynyń 3 bóligimen sot aldy tergeý júrip jatyr. Qajetti saraptamalar taǵaıyndalǵan», dep málemdedi atalǵan vedomstvonyń baspasóz qyzmeti.
Aıta keteıik, Almaty oblystyq Polıtsııa departamentiniń baspasóz qyzmetiniń málimetinshe, shilde aıynda óńiri avtojoldarynda kólik apaty saldarynan 50-ge jýyq adam kóz jumǵan. Sol sebepti tártip saqshylary kúnniń aptap ystyǵynda júrgizýshilerge barynsha abaı bolýdy eskertedi. Al kólik apattarynyń basty sebepteri -joldyń qarsy betine shyǵyp ketý, jyldamdyqty shekten tys asyrý.
